PANAWAN TAKAN, IDEDDUKAN KU NGA NEYANAKAN LUSAK NGA TARONAN, PATU YA SINAG KUMIRIKIRIT KANYA KABEBAYAN YA SILAWAN NAPIA NGA PATTOLAYAN, KELAT LA TA NEYAWAWAN KAN IKAW IDDAN KU YA NALLELAY NGA INANGAT MARANDAM NGEM NAPANNU KAN AYAT KAN KAKKABBING, KAPAKAPIA ENU KASIKASIKAN NU PAMMAKAPIAN MU, IDDAN KU LA KELAT
KAN LUGAR YA AGGEGERRAN TANGNGA YA PAKKAPATA-PATAYAN KAN IKAW ARU MAYAT MANGIDDAN KAN INANGAT NGA AWAN DA BIBINGALLAN AWAN NA KAYAN NU BE KANYAW KAKAYWAN ENU NAMULAN KAN LAPPAW APPOTUNAN ENU KAN AKKOMANAN PAKIGERRA ENU KAN KATANTALAW NGA APPATAYAN KAGITTA NA LA KELAT NU KIDDAW YA NEYANAKAN
MAPANAW NAK KANYA PAWWARAK YA NAWAG NGA MANGIKAMMU KANYA PAMMATARUK KABALIN YA GABI NGA NAKALLAP NU MATAFUL VURIK NGA DAGGANG, SENYAL YA UMANG MU PANNAWAG IVURUD MU YA DAK, KAN KEPANGNGATTAN NGA ORAS, UMANG MU IWARAK ZINAN TA PANNAWAGAN, DALANGARANG YA SINAG KAN PAMEGAFU YA ALKAK
YA TATENAP KU NGA NEYABBINGAN NEDAKADAKAL KU PANDA KANYAKAN NGA NADAWUNAN MASINGAN TAKA NADDAN NGA KAPIANAN KUMIRIKIRIT KANYA KABEBAYAN YA SILAWAN MEMMANG YA LUA NGA MATTURUT KANYA MATAM AWAN MU KALUSSAW, AWAN MU PAY TULTULANAN NAUTUN YA ULUM TA KAN IKAW AWAN NGA KAPPASIRAN
YA KURU KAYAT KU NGA MESIMMU ZINAN TA APPANOK YA UMANG MANGIKAMMU NGA YA ABBANGUN MU, PATEK YA MAKEGAFU KAN KAWAN KUN, PABBALINAN MU DON PIA KURU MAPANAW NAK TASENU GUMANGUN KA NGEM ANYAN NAK LA KAN IKAW NGA MEDEDDA LIRUMAN YA LANGIT NGA MAKKATURUG KAN AWAN NA PANDA
AGGANGARIAN NADDAN KAN ANYAN MASINGAN NGA MATTUVU NAKASTA NGA LAPPAW KANYA KAKADDATTAN YA LIVVUN KU BIBIG IBATUG MU, TA YA KARARUAK AMMAM MU TASENU MATENAP YA KIREK KANYA NALAMMIN NGA TANAM KU ASSAB YA PANGANGAT MU NGA KURU NAPATU KUNNA PAY YA NALANNAW, KANYAKAN NGA PANARON MU
LIPAYAN NAK YA VULAN KAN NALANNAW NGA NAWAG YA LIVVUN KU MASINAGAN KAN LABBET YA PANNAWAG PAVULUNAN MU GUNI YA ANGIN NGA MATTALEBAD YA PIRUKA KAN UTUN KURUT KU, NU MAZZITTAG KANSION KAN IMAMMAK YA UMANG NA IKIYYAD
NU KALIPPANAN NAK, WUYYAM LA KUAN TA ANYAN NAK MAMBA LA KANYA PALLEVUTAN KANAYUN NGA MANGIGALAGGASAT KANYA TALINGAM KAN ANGNGURUG KU KANYA NAPIA NGA UMANG MU PABBALINAN
KURU DAYAWAN KU NGA NEYANAKAN ZIYAZIYAT MU SIGGATENAP KANYAKAN MEKAKUA PA’NANG NGA PILIPINAS YA KOZOZZANAN NGA APPAKAMMUK PANAWAN TAKAYU NGAMMIN, MANAK KU IDEDDUKAN KU IRA, NGAMMIN KAN IKAYU INNAK KAN LUGAR NGA AWAN ARIPAN NA KUNNA PAY NGA AWAN MENGAL IRA LUGAR NGA MARI MAWAWAN YA ANGNGURUG TERA PAMMORAYAN I AFU NGA ISISSA
PANAWAN TAKAYUN, MANAK KU, WAWWAYIK, IDEDDUKAN KU IRA KAKKOFUN KANYA NEYANAKAN NGA PINAZIYAT DA MAPPABALAT TERA KAN DATANG YA PEMMANG KUN KAN KUNNA GAFU, PANAWAN TAKAYUN KAKKOFUN NGA MARIK INAMAMMU NGA NANGIDDAN NAWAG KANYA DALAN KU KAN IKAYU NGAMMIN, AYAT KU YA MABATTANG YA PANAW EH PEMEMMANG…
